Дизимнен өтиў Кириў
Сайтқа кириў
Качественные бесплатные шаблоны dle скачать с сайта



Жеке тәртиптеги исбилерменлерге такси хызметлерин көрсетиўге рухсат бериледи


Өзбекстан Республикасы Президенти «Жүк ҳәм жолаўшы тасыў системасын түпкиликли жетилистириў илажлары ҳаққында»ғы қарарға қол қойды. Ҳүжжетте келтирилиўинше, жеке тәртиптеги исбилерменлерге такси хызметлерин көрсетиўге рухсат бериледи.
Атап айтқанда, Өзбекстан Республикасы Транспорт министрлиги бир ай мүддетте:
Мәмлекетлик салық комитети менен биргеликте жеке тәртиптеги исбилерменлерге рухсат бериў тәртиплерин әпиўайыластырыў ҳәм минималластырыў мақсетинде мәлимлеме-коммуникациялық технологияларды енгизген ҳалда жеңил автомобильлерде жолаўшыларды тасыў хызметин әмелге асырыў ҳуқықын бериў ҳаққындағы усынысларды Министрлер Кабинетине киргизеди.
Ҳәзирги ўақытта тек ғана юридикалық тәрлеплер усы хызмет түри менен шуғылланыўы мүмкин.
Еслетип өтемиз, буннан алдын таксилер «Тоқтаў қадаған етилген» белгиси әмел ететуғын орында тоқтаўы мүмкин болыўы ҳаққында хабар берген едик.

Ислам Матеков.

Сайтымыздың телеграмдағы каналына ағза болың: https://t.me/karinformuz

11-03-2019, 11:21
Көрилди: 826
Пикирлер: 0
Баспа ушын