Дизимнен өтиў Кириў
Сайтқа кириў
Качественные бесплатные шаблоны dle скачать с сайта



Зиданның «Реал» президентине қойған 6 шәрти


«Реал» футбол клубының бас тренери хызметине қайтқан Зиннедин Зидан команда президенти Флорентино Переске өзиниң шәртлерин қойды, - деп жазады Marca басылымы.
46 жаслы франциялы қәниге өзи қойған шәртлер бойынша жумыс алып барады. Клуб басшылары Зиданның шәртлерин қабыл етип, оның менен 2022-жылдың жазына шекем шәртнама дүзди.

Хош, Зидан «Реал» президентине қандай шәртлерди қойды?

1-шәрт. Зидан команда қурамын толық өз қадағалаўына алады.
2-шәрт. Өзиниң жойбарларына сәйкес келмейтуғын футболшыларды сатып жибереди.
3-шәрт. Қорғаўшы Марсело ҳәм ярым қорғаўшы Исконы командада алып қалады.
4-шәрт. Неймарды «Реал»ға алып келиўге қарсы.
5-шәрт. Хамес Родригестиң командаға қайтып келиўин қәлемейди.
6-шәрт. Килиан Мбаппени клубқа алып келиў ушын барлық шараятларды жаратыў.

Еслетип өтемиз, Зиннедин Зидан «Реал»ға 2016-2018-жыллар аралығында бас тренер болған. Франциялы қәниге қол астында мадридлилер әжайып нәтийжелерди қолға киргизди. Чемпионлар лигасында қатара үш жыл жеңимпаз болған командаға айланды. Испания чемпионы, Суперкубогы, УЕФА Суперкубогын жеңип алды. Клублар арасындағы жәҳән чемпионатында еки мәрте чемпион болды.
Зидан 2001-2006-жыллар аралығында «Реал»да ойнаған. Усы клубтағы ойынлары менен өзиниң футболшылық хызметин жуўмақлаған.

Ислам Матеков.

Сайтымыздың телеграмдағы каналына ағза болың: https://t.me/karinformuz

14-03-2019, 16:17
Көрилди: 299
Пикирлер: 0
Баспа ушын