Дизимнен өтиў Кириў
Сайтқа кириў
Качественные бесплатные шаблоны dle скачать с сайта



Халықаралық аўыр атлетика федерациясы Рустам Жангабаевты спорттан ўақытша шетлетти


Халықаралық аўыр атлетика федерациясы – IWF хабарына тийкарланып Kun.uz сайтының мәлим етиўинше, аўыр атлетикашы, жәҳән чемпионаты сыйлы орын ийеси Рустам Жангабаевтың допинг үлгиси өсиў гормоны (hGH) бойынша унамсыз анализ нәтийжелерин берген.
11-апрель күни IWF сайтында жәрияланған хабарда жазылыўынша, Жангабаев антидопинг қағыйдаларын бузғаны ушын спорттан ўақытша шетлетилди.
Атап өтилиўинше, егер спортшы антидопинг қағыйдаларын бузбағаны анықланса, онда бул бойынша тийисли қарар да жәрияланады.
IWF бул ис бойынша сорастырыў процеси жуўмақланғанға шекем қосымша мағлыўмат бермейтуғынлығын мәлим еткен.
Мағлыўмат ушын, Рустам Жангабаев 1993-жыл 25-августта туўылған, жарысларға 105 килограмнан жоқары салмақ категориясы бойынша қатнасады. 2018-жылдағы жәҳән чемпионаты сыйлы орын ийеси, 2017-жыл Ашхабадта өткерилген Азия ойынлары чемпионы, Рио-де-Жанейродағы жазғы Олимпия ойынларының қатнасыўшысы болып есапланады.

Ислам Матеков.

Сайтымыздың телеграмдағы каналына ағза болың: https://t.me/karinformuz

12-04-2019, 10:31
Көрилди: 221
Пикирлер: 0
Баспа ушын