Дизимнен өтиў Кириў
Сайтқа кириў
Качественные бесплатные шаблоны dle скачать с сайта



Автотранспорт қуралын мәмлекетлик дизимге алыўда техникалық тексериў бийкар етилиўи мүмкин


Норматив-ҳуқықый ҳүжжетлерди додалаў порталында автомототранспорт қуралларын мәмлекетлик дизимге алыўдың жаңа механизмин белгилеп беретуғын ҳүжжет жойбары жәрияланды.
Жойбарға муўапық, автомототранспорт қуралларын мәмлекетлик дизимге алыў ҳәм автономер бериў хызмети тәжирийбе формасында 2019-жыл 1-майдан баслап Ташкент қаласында ИИББ менен биргеликте Мәмлекетлик хызметлер орайлары арқалы көрсетиледи.
Бунда орайлар арқалы төмендеги категориядағы автоторанспорт қураллары дизимге алыныўы жобаластырылмақта:
- Өзбекстанда ислеп шығарылған ҳәм сырт еллерден алып келинген жаңа автомототранспорт қураллары;
- нотариаллық алып-сатып шәртнамасы тийкарында мүлк ийеси өзгерген екилемши автотранспорт қураллары.
Автотранспорт қуралын дизимге алыў ушын пуқаралардан тек ғана паспорт ҳәм мүлк ҳуқықын билдиретуғын ҳүжжет (автосалонларда берилетуғын есап-мағлыўматнама, бажыхана декларациясы ямаса алып-сатыў шәртнамаларының бири) усынылады.
Хызмет көрсетиў ўақты – бир саат.
Жойбар халықты қыйнап киятырған тийкарғы еки машқала – бюрократия ҳәм коррупцияны сапластырыўға бағдарланғаны менен әҳмийетли есапланады, деп жазылған хабарда.
Агентликтиң усынысына муўапық, буннан былай автотранспорт қуралын мәмлекетлик дизимге алыўда автотранспорт қуралларын көзден өткериў, техникалық тексериўден өткериў талап етилмейди.

Ислам Матеков.

Сайтымыздың телеграмдағы каналына ағза болың: https://t.me/karinformuz

15-04-2019, 10:46
Көрилди: 67
Пикирлер: 0
Баспа ушын