Дизимнен өтиў Кириў
Сайтқа кириў
Качественные бесплатные шаблоны dle скачать с сайта



Автомобиль шырақларын қосып жүриў климат шараятымызға туўра келе ме?


ӨзР ИИМ Жол ҳәрекети қәўипсизлиги бас басқармасы қәнигелери миллий баспасөз орайында өткерилип атырған баспасөз конференциясында усы сораўға жуўап берди. Бул ҳаққында ӨзА хабар берди.
Ендигиден былай күндизги ўақытта барлық автомототранспорт қураллары жақынды жақтыландырыўшы шырақларын ямаса күндизги сигнал шырақларын қосып ҳәрекетлениўи шәрт етип белгиленди. Бул таза қағыйда халық арасында наразылықлар ҳәм пикир-таласларды келтирип шығармақта. Адамлар жаздың ыссы күнлеринде де жақынды жақтыландырыўшы шырақларды қосып ҳәрекетленсе, автомобиль моторы қызып кетиўи ҳәм өрт келип шығыўы мүмкинлигин айтпақта. Атап айтқанда, қоңсылас Қазақстанның қубла тәрепи – Шымкент қаласында да автомобильлердиң усы себепли өртенип кетиўи бақланғаны айтылмақта.
«Шырақларды күндизги ўақытлары да қосып ҳәрекетлениў пиядаларды дыққатлы болыўға үндейди. Сырт еллерде бул тәжирийбе 10-15 процентке жол транспорт ҳәдийселери ҳәм пиядаларды қағып кетиў қәўпин кемейткен. Климаттың шырақларды қосып жүриўге унамсыз тәсири жоқ. Егер автомобиль техникалық жақтан насаз болмаса, оның моторы қызып кетпейди. Усы сыяқлы унамсыз жағдайлар ески автомобильлерде ушыраўы мүмкин. Қоңсылас Қазақстанда да усындай ески автомобильлерде өрт келип шыққан. Техникалық тексериўден өткен автомобильлерде машқалалар болмайды»,- деп жуўап берген басқарма баспасөз хызмети баслығы Акмал Юнусов.

Ислам Матеков.

Сайтымыздың телеграмдағы каналына ағза болың: https://t.me/karinformuz

Кеше, 16:50
Көрилди: 93
Пикирлер: 0
Баспа ушын