Дизимнен өтиў Кириў
Сайтқа кириў
Качественные бесплатные шаблоны dle скачать с сайта



Жоқары оқыў орынларына ҳүжжет тапсырыў тәртиби


2019-жылдан баслап елимиздеги барлық жоқары оқыў орынларына оқыўға кириў ушын ҳүжжет тапсырыў Мәмлекетлик хызметлер орайлары арқалы әмелге асырылады.
Бул тәртип Өзбекстан Республикасы Президентиниң тийисли Пәрманында белгилеп берилген. Ҳәзирги ўақытта Мәмлекетлик хызметлер агентлиги тәрепинен ўәкилликли министрлик ҳәм мәкемелер менен биргеликте Министрлер Кабинетиниң тийисли қарар жойбары ислеп шығылыўы менен бир қатарда зәрүрли илажлар көрилип атыр.
Соны айрықша атап өтиў керек, 2018-2019-оқыў жылынан баслап Мәмлекетлик хызметлер агентлиги тәрепинен тәжирийбе сыпатында Өзбекстан Республикасы Әдиллик минис¬трлиги, Мәмлекетлик Тест орайы ҳәм Ташкент мәмлекетлик юридика университети менен биргеликте абитуриентлерден оқыўға кириў бойынша ҳүжжетлерди 201 район ҳәм қалаларда хызмет көрсетип атырған Мәмлекетлик хызметлер орайлары арқалы қабыллаў әмелияты енгизилди.
Усы жаңалық әмелиятта өзиниң төмендеги унамлы тәреплерин көрсетти:
— ҳүжжет тапсырыў процесинде қағазпазлықтың азайыўына ерисилди;
— ҳәр бир абитуриентке өзиниң район яки қаласы, сондай-ақ, өзи қәлеген аймақтан ҳүжжет тапсырыў имканияты жаратылды;
— олардың қымбатлы ўақты үнемленди;
— абитуриентлердиң аймақлардан әўере болып пайтахтқа келиўи кемейди ¬ олардың зыят қәрежет жумсаўының алды алынды;
— ҳүжжет тапсырыў процесине бир неше саат яки күн емес, бәлки 15-20 минут жетип қалды;
— абитуриент ҳүжжет тапсырғаннан соң ҳүжжетлердиң түп нусқасы оның өзинде қалды;
— университет тәрепинен тек ғана оқыўға кирген студентлердиң ҳүжжети ғана өзинен қабылланып, жоқары оқыў мәкемеси қабыллаў комиссиясы ҳәм архивинде зыят ҳүжжетлер айланысын кескин кемейтеди.
Еслетип өтемиз, жоқары оқыў орынларына оқыўға кириў ушын ҳүжжет тапсырыў бойынша мәмлекетлик хызметти ра¬йонлардағы Мәмлекетлик хызметлер орайлары арқалы әмелге асырылыўы абитуриентлерге Ташкент қаласындағы ҳәм республикамыздың қәлеген аймағында жайласқан жоқары оқыў орынларына өзиниң районынан шықпастан турып ҳүжжет тапсырыў, сондай-ақ, онлайн тәризде Бирден-бир интерактив мәмлекетлик хызметлери порталы арқалы ҳүжжет тапсырыў имканиятын жаратады.

Сайтымыздың телеграмдағы каналына ағза болың: https://t.me/karinformuz

18-04-2019, 16:02
Көрилди: 235
Пикирлер: 0
Баспа ушын