Дизимнен өтиў Кириў
Сайтқа кириў
Качественные бесплатные шаблоны dle скачать с сайта



Апрель айындағы күшли жаўын-шашынның себеби неде? Гидромет түсиник берди


Быйылғы апрель айы Өзбекстан бойынша жаўын-шашынлы келиўи менен өткен жылларға салыстырғанда ажыралып турыпты. Апрель айының басынан баслап усы күнге шекем Өзбекстанның арқа тәрепи менен Ферғана алабынан басқа мәмлекет аймағының көпшилик бөлегинде ҳәр қыйлы жеделликтеги жаўын күнлер бақланбақта. Жаўын-шашынлар муғдары болса айлық нормадан артып кетти, айырым күнлери болса бир неше саат даўамында бир айлық жаўынның дерлик ярымы жаўып өтти.
«Өзгидромет»тиң Kun.uz сайтына мәлим етиўинше, бундай жаўынлы ҳаўа райының себеби, дерлик толық ай даўамында Өзбекстан аймағы үстинде қублада пайда болған ығал ҳаўа массалары Россияның Европа аймағынан кирип келген салыстырмалы суўық ҳаўа массалары менен турақлы түрде араласып турды. Ҳаўа массаларының бундай бир-бирине араласыўы күшли нөсер пайда болыўы ушын қолайлы шараятлар жаратты.
Апрель айындағы бундай жаўын-шашынды аномал, әдеттегидей болмаған ҳәдийсе, деп атаўға болмайды, апрель жылдың ең ығал айларының бири есапланады. Солай болса да, бундай жаўынлы апрель 4-5 жылда бир мәрте бақланады.
2002- ҳәм 2009-жыллардағы апрель айлары да усындай жаўын-шашынлы болған.

Ислам Матеков.

Сайтымыздың телеграмдағы каналына ағза болың: https://t.me/karinformuz

25-04-2019, 17:19
Көрилди: 455
Пикирлер: 0
Баспа ушын