Дизимнен өтиў Кириў
Сайтқа кириў
Качественные бесплатные шаблоны dle скачать с сайта



Кириў имтиханында белгиленген тәртипти бузып, оқыўға кирген студентлер оқыўдан шетлетиледи. Оқыўдан шетлетиў бойынша қандай өзгерислер бар?


Ҳуқықтаныўшы-блогер Хушнудбек Худайбердиевтиң өз каналында жәриялаўынша, Министрлер Кабинетиниң «Жоқары билимлендириў мәкемелери студентлериниң оқыўын көшириў, қайта тиклеў ҳәм оқыўдан шетлетиў тәртиби ҳаққында»ғы уставқа қосымша киргизилди ҳәм студентти жоқары оқыў орнынан шетлетиўге тийкар болатуғын жағдайлар қатары төмендеги бәнт пенен толықтырылды:
«з) суд қарарына муўапық, кириў имтиханларында белгиленген тәртипти бузғаны анықланғанда (бундай жағдайда студентлер қатарынан шығарылғанлар студентликке қайта тикленбейди);»
Ҳуқықтаныўшы-блогердиң жазыўынша, алдынлары кириў имтиханларында тәртип бузыўшылық жолы менен оқыўға кирген абитуриентлерди олардың айыбы кейин ала анықланған жағдайда да, студентлер қатарынан шетлетиў бойынша нызамлы тийкарлар болмаған еди.
Соның менен бирге, киргизилген өзгерислерге муўапық, буннан былай жоқары оқыў орнының әдеп-икрамлылық қағыйдаларын бузған болса да, студентлер қатарынан шетлетиў мүмкинлиги белгиленди. Алдынлары бул бәнтте тек ғана оқыў тәртиби ҳәм ишки тәртип-қағыйдалары ғана көрсетилген еди.

Ислам Матеков.

Сайтымыздың телеграмдағы каналына ағза болың: https://t.me/karinformuz

1-05-2019, 10:35
Көрилди: 172
Пикирлер: 0
Баспа ушын