Дизимнен өтиў Кириў
Сайтқа кириў
Качественные бесплатные шаблоны dle скачать с сайта



Нөкис районында жаңа мектепке шекемги билимлендириў мәкемеси пайдаланыўға тапсырылды


Нөкис районындағы «Тақыркөл» аўыл пуқаралар жыйыны аймағындағы әскерий бөлимде 12-санлы мектепке шекемги билимлендириў мәкемеси пайдаланыўға тапсырылды. Бул ҳаққында район ҳәкимлигиниң рәсмий сайты хабар берди.

Илажға Қарақалпақстан Республикасы Мектепке шекемги билимлендириў министри, район ҳәкими ҳәм жәмийетлик белсендилер қатнасты.
Бул балалар бақшасы 60 балаға арналған болып, олардың тәлим-тәрбия алыўы ушын барлық шараятлар жаратылған. Бақшаның қурылыс жумысларына жергиликли бюджет қаржылары есабынан жәми 1 млрд 652 млн сумлық қаржы ажыратылды.

Мағлыўмат ушын, ҳәзирги ўақытта Нөкис районында 12 мектепке шекемги билимлендириў мәкемеси (солардың 5 еўи мәмлекетлик емес мәкеме) жумыс алып барып атырған болып, оларда жәми 1196 бала тәрбияланбақта.

Ислам Матеков.

Сайтымыздың телеграмдағы каналына ағза болың: https://t.me/karinformuz

1-05-2019, 11:00
Көрилди: 134
Пикирлер: 0
Баспа ушын