Дизимнен өтиў Кириў
Сайтқа кириў
Качественные бесплатные шаблоны dle скачать с сайта



Шоманайлы 4-класс оқыўшы қыз «Dance continent»халықаралық таңлаўында 2-орынды ийеледи


Усы жылдың 28-апрель ҳәм 3-май күнлери аралығында Россия Федерациясының Москва қаласында «DANCE CONTINENT» Халықаралық хореографиялық өнери таңлаўы болып өтти.
Таңлаўда қарақалпақша «Суўға барған қыз», сондай-ақ, Хорезм халық аяқ-ойыны «Нарын-Нарын» ойыны менен көпшиликтиң дыққатын тартып, өз қәбилетин көрсете алған Шоманай районлық 16-санлы улыўма билим бериў мектебиниң 4-класс оқыўшысы Абатбаева Диана таңлаў жуўмағына бола сыйлы 2-орынға мүнәсип деп табылды. Бул ҳаққында Өзбекстан жаслар аўқамы ҚР Кеңеси баспасөз хаткери И.Мәмбетназарова хабар берди.

Шоманайлы жас талант ийеси оған берилген жоқары баҳа ушын устазлары Дәмехан Ибрагимова, Есназар Халмуратов, Алмагүл Халилаеваларға, сондай-ақ қәўендерлик еткен Шоманай районы ҳәкими Баҳодир Янгибаевқа ҳәм жақыннан қоллап-қуўатлаған Өзбекстан мәмлекетлик көркем өнер ҳәм мәденият институты Нөкис филиалына өз миннетдаршылығын билдирмекте.

Сайтымыздың телеграмдағы каналына ағза болың: https://t.me/karinformuz

11-05-2019, 10:55
Көрилди: 215
Пикирлер: 0
Баспа ушын