«15-май – Халық аралық Шаңарақ күни» мүнәсибети менен орынларда байрам илажлары өткерилмекте

«15-май – Халық аралық Шаңарақ күни» мүнәсибети менен барлық орынларда байрам илажлары өткерилмекте. Атап айтатуғын болсақ, мектепке шекемги билимлендириў мәкемелери тәрбияланыўшылары арасында «Мениң шаңарағым – мениң қуяшым», белсенди ҳәм талантлы шаңарақлар ортасында «Атам - исенер таўым, анам - қуўанышым», «Биз бахытлы шаңарақпыз», «Жаслар саламат шаңараққа қарай» атамаларындағы спорт жарыслары, «Шаңарақ – муқаддес» шығармалар таңлаўы, «Китапқумар шаңарақ» атамасындағы бир қатар илажлар өткерилмекте. Буннан тысқары, үлгили шаңарақларды жас шаңарақларға үлги сыпатында көрсетиў мақсетинде жасы үлкен аға-апалар менен биргеликте узақ ҳәм мазмунлы шаңарақ қурыў туўралы сәўбетлер өткерилмекте.









Орынларда байрам илажлары даўам етпекте.

Сахибжамал Есемуратова