Дизимнен өтиў Кириў
Сайтқа кириў
Качественные бесплатные шаблоны dle скачать с сайта



Тереклерди нызамға қайшы түрде кескени ушын жуўапкершилик күшейтилди


Өзбекстан Республикасы Президентиниң «Өзбекстан Республикасының Жынаят кодексине және Өзбекстан Республикасының Ҳәкимшилик жуўапкершилик ҳаққындағы кодексине өзгерис ҳәм қосымшалар киргизиў ҳаққында»ғы нызамға қол қойды.
Нызам тийкарында Өзбекстан Республикасының 1994-жыл 22-сентябрьде қабыл етилген 2015-XII-санлы Нызамы менен тастыйықланған Өзбекстан Республикасының Ҳәкимшилик жуўапкершилик ҳаққындағы кодексине өзгерис ҳәм қосымшалар киргизилди:
79-статья (Тереклер, путақлар, басқа тоғай өсимликлери ҳәм нәллерин нызамға қайшы түрде кесиў, зыян жеткериў ямаса жоқ етиў):
Биринши бөлиминиң (Тереклер, путақлар, басқа тоғай өсимликлери ҳәм нәллерин нызамға қайшы түрде кесиў, зыян жеткериў ямаса жоқ етиў) санкциясындағы «үштен бир бөлегинен бир есесине шекем, лаўазымлы шахсларға болса – бир есесинен үш есесине шекем» деген сөзлер «бес есесинен он есесине шекем, лаўазымлы шахсларға болса – он есесинен он бес есесине шекем» деген сөзлер менен алмастырылды. Яғный, енди тереклерди нызамға қайшы түрде кескен пуқаралар 2 027 300 сум, лаўазымлы шахслар болса 3 040 950 сум жәриймаға тартылады.
Сондай-ақ, усы статьяның екинши бөлиминиң (Усындай ҳуқықбузарлықлар ҳәкимшилик жаза шарасы қолланылғаннан соң бир жыл даўамында қайта әмелге асырылған болса) санкциясындағы «бир есесинен үш есесине шекем, лаўазымлы шахслар болса – үш есесинен жети есесине шекем» деген сөзлер «он есесинен он бес есесине шекем, лаўазымлы шахсларға болса – он бес есесинен жигирма есесине шекем» деген сөзлер менен алмастырылды.
80-статьяның (Тоғайларды тиклеў қағыйдаларын бузыў) санкциясындағы «бир есесинен үш есесине шекем» деген сөзлер «он есесинен он бес есесине шекем» деген сөзлер менен алмастырылды.

Ислам Матеков.

Сайтымыздың телеграмдағы каналына ағза болың: https://t.me/karinformuz

30-05-2019, 10:23
Көрилди: 187
Пикирлер: 0
Баспа ушын