Дизимнен өтиў Кириў
Сайтқа кириў
Качественные бесплатные шаблоны dle скачать с сайта



Мойнақ районындағы «Шағырлы-Порлытаў» жолы жаңадан асфальтланбақта

Мойнақ районындағы «Шағырлы-Порлытаў» жолы жаңадан асфальтланбақта
Мойнақ районы жоллардан пайдаланыў унитар кәрханасы тәрепинен «Бозатаў» ҳәм «Мәдели» АПЖларына қараслы Шағырлы-Порлытаў аўыллары аралығындағы жергиликли әҳмийеттеги автомобиль жолларын онлаў жумыслары жедел алып барылмақта. Бул ҳаққында ҚР Министрлер Кеңеси Мәлимлеме хызмети хабар берди.
Мойнақ районындағы «Шағырлы-Порлытаў» жолы жаңадан асфальтланбақта
Бул жумысларға материалллар өз ўақтында жеткерилип берилмекте ҳәм асфальтлаў жумысларына зәрүр техникалар тартылған.
– Усы аймақта бәримизге белгили «Көк суў» көли жайласқан,–дейди «Мәдели» АПЖның турғыны, нураный М.Абубакиров. – Ол жерде еки жылдан берли «Арал балықларынан 99 түрли тағам» атамасындағы дәстүрий фестиваль шөлкемлестирилмекте. Сондай-ақ, быйыл усы орында Халықаралық пресс клуб та өткерилди. Өз-өзинен көринип турғанындай соңғы жылларда бул жолларда автотранспортлардың ҳәрекети жеделлести. Әйне пайытта усы жолларда алып барылып атырған оңлаў жумыслары жергиликли халқымызға қуўаныш бағышламақта.
- Ҳәзирги пайытта 1 км жолға асфальт төселген болып, қалған 2 км жолды асфальт төсеўге таярлаў жумыслары алып барылмақта, – дейди кәрхана директоры С.Каленов. – Асфальт жол тез арада пайдаланыўға тапсырылады.

Сайтымыздың телеграмдағы каналына ағза болың: https://t.me/karinformuz

15-07-2019, 18:23
Көрилди: 127
Пикирлер: 0
Баспа ушын