Дизимнен өтиў Кириў
Сайтқа кириў
Качественные бесплатные шаблоны dle скачать с сайта



«Қатар-2022»: Өзбекстан сайланды командасының сайлап алыў басқышындағы қарсыласлары мәлим болды

«Қатар-2022»: Өзбекстан сайланды командасының сайлап алыў басқышындағы қарсыласлары мәлим болды
Азия футбол конфедерациясының Куала-Лумпурдағы штаб-квартирасында 2022-жылдағы Жәҳән чемпионаты ҳәм 2023-жылдағы Азия кубогының сайлап алыў жарысларының 2-басқышына шек тасланды.
Өзбекстан миллий сайланды командасы шек таслаў нәтийжелерине муўапық Сауд Арабиясы, Палестина, Йемен ҳәм Сингапур сайланды командалары менен бирге «D» топарынан орын алды.

Демек, шек таслаў нәтийжелери төмендегише:

«А»: Қытай, Сирия, Филиппин, Мальдив, Гуам.
«В»: Австралия, Иордания, Қытай Тайпейи, Кувейт, Непал.
«С»: Иран, Ирак, Баҳрейин, Гонконг, Камбоджа.
«D»: Сауд Арабиясы, Өзбекстан, Палестина, Йемен, Сингапур.
«Е»: Қатар, Оман, Ҳиндстан, Аўғанстан, Бангладеш.
«F»: Япония, Қырғызстан, Тәжикстан, Мьянма, Монголия.
«G»: БАӘ, Вьетнам, Таиланд, Малайзия, Индонезия.
«Н»: Қубла Корея, Ливан, КХДР, Түркменстан, Шри-Ланка.

2-басқыш ойынлары усы жылдың 5-сентябрь күнинен басланып, 2020-жыл июнь айына шекем даўам етеди. Нәтийжеде 8 топар жеңимпазлары ҳәм 2-орын ийелеринен ең жақсы көрсеткишке ийе болған 4 команда (улыўма 12 сайланды команда) ЖЧ сайлап алыўының кейинги басқышына шығады ҳәм Азия кубогы жолламасына ийе болады.

Ислам Матеков.

Сайтымыздың телеграмдағы каналына ағза болың: https://t.me/karinformuz

17-07-2019, 15:34
Көрилди: 148
Пикирлер: 0
Баспа ушын