Дизимнен өтиў Кириў
Сайтқа кириў
Качественные бесплатные шаблоны dle скачать с сайта



10-августта Жердиң қасынан бийик имарат өлшеминдеги астероид ушып өтеди

10-августта Жердиң қасынан бийик имарат өлшеминдеги астероид ушып өтеди

10-августта 2006 QQ23 астероиды планетамыздан бар-жоғы 0,049 астрономиялық бирликке (7,3 млн км) тең аралықтан саатына 16740 км тезлик пенен ушып өтеди, деп хабар берди www.astronews.ru.
Астероид Жерден 0,05 астрономиялық бирликтен киши аралықта ушып өткенлиги ушын ол қәўипли астероидлар қатарына киргизиледи. Астероидтың диаметри 570 метрге жақын болып, ол Нью-Йорктағы Эмпайр-стейт-билдинг бәлент имаратынан да (443 метр) бәлент.
АҚШ космослық агентлиги Жерге жақын ушып өткен комета ҳәм астероидларды, биринши нәўбетте, олар Жерге қәўипли болғанлығы ушын емес, ал келешекте қәўип туўдырмаўы ушын бақлап отырады. Ҳәр жылы 2006 QQ23 астероиды өлшеминдеги орташа 6 астероид ямаса кометалар Жерге жақын жерден ушып өтеди.

Сахибжамал Есемуратова

6-08-2019, 11:08
Көрилди: 989
Пикирлер: 0
Баспа ушын