Дизимнен өтиў Кириў
Сайтқа кириў
Качественные бесплатные шаблоны dle скачать с сайта



ҚМУ магистранты Россия Федерациясында өткерилген фестивальға қатнасып қайтты

ҚМУ магистранты Россия Федерациясында өткерилген фестивальға қатнасып қайтты

Усы жылдың 14-22-октябрь күнлери аралығында Россия Федерациясының Адлер районында дүнья жүзилик студентлер ҳәм жаслардың XIX фестивалы болып өтти. Бул фестивальға 185 мәмлекеттен 25 мыңнан аслам қатнасыўшы ҳәм 5 мыңнан аслам волонтёрлар, ал Өзбекистаннан 47 қатнасыўшы рәсмий түрде, және де 50 ге шамаласы өзлериниң қызығыўшылығы бойынша қатнасты. Феситивальға ҚМУдың магистратура бөлими рус тили қәнигелигинен Айсултан Бектурсынова да билимлендириў ҳәм илим тараўы бойынша қатнасып қайтты.

ҚМУ магистранты Россия Федерациясында өткерилген фестивальға қатнасып қайтты

«Фестиваль жүдә қызықлы болып өтти. Биз жасларда үлкен тәсир қалдырды. Мәселен, фестивальдың ашылыў мәресиминде Россия Федерациясы президентиниң өзи қатнасты. Буннан басқа да, депутатлардан Жириновский, Россия президентиниң илим ҳәм билимлендириў ислери бойынша президент жәрдемшиси Фурсенко, Россия сыртқы ислер министри Лавров, халық аралық спикер Ник Вуйчичлер қатнасып өзлериниң тәжирийбелери менен бөлисти», - дейди Айсултан толқынланып биз бенен сәўбетте.

ҚМУ магистранты Россия Федерациясында өткерилген фестивальға қатнасып қайтты

Сондай-ақ, фестиваль дүнья жүзилик тиллер есапланған қытай, рус, инглис, француз, араб, испан тиллеринде алып барылған.
«Мен илим ҳәм билимлендириў тараўы бойынша қатнасқанлықтан, бизиң тараўымызда дүнья жүзи жасларын қыйнап жүрген машқалалар бойынша пикир алысыў болды», - дейди Айсултан.

ҚМУ магистранты Россия Федерациясында өткерилген фестивальға қатнасып қайтты

Фестивальда ҳәр бир миллет ўәкиллериниң өзлериниң мәдениятын ҳәм көркем өнерин көрсетиўши экспо көргизбеси шөлкемлестирилген. Бул көргизбеден түскен қаржыларды (Өзбекистаннан 30 мың рубль) кеселлерге жәрдем бериўши фондқа өткерилген.

ҚМУ магистранты Россия Федерациясында өткерилген фестивальға қатнасып қайтты

Фестивальда ҳәр түрли тараў ҳәм өнер түрлерин үйрениў ушын спорт майданлары, «келешек китапханасы», архитектура, сүўрет салыў, видео түсириў бойынша мастер класслар турақлы түрде жумыс ислеп турған.
Бул сыяқлы фестивальлардың көплеп шөлкемлестирилиўи дүнья жүзи жасларының бирлесиўине, олардың досласыўы ҳәм тәжирийбе алмасыўы ушын хызмет етеди.

Сахибжамал Есемуратова

4-11-2017, 05:37
Көрилди: 399
Пикирлер: 0
Баспа ушын

Пикир жазыў
Атыңыз: *
E-mail: *
Пикир:
Полужирный Наклонный текст Подчеркнутый текст Зачеркнутый текст | Выравнивание по левому краю По центру Выравнивание по правому краю | Вставка смайликов Вставка ссылкиВставка защищенной ссылки Выбор цвета | Скрытый текст Вставка цитаты Преобразовать выбранный текст из транслитерации в кириллицу Вставка спойлера
Сүўреттеги код: Включите эту картинку для отображения кода безопасности
обновить, если не виден код
Сүўреттеги кодты кирит: