Дизимнен өтиў Кириў
Сайтқа кириў
Качественные бесплатные шаблоны dle скачать с сайта



Нөкисте улыўмалық аўқатланыў кафесинде өрт келип шықты

Нөкисте улыўмалық аўқатланыў кафесинде өрт келип шықты
Усы жылдың 22-август күни саат 19:55 лерде Нөкис қаласы Ерназар Алакөз көшеси бойында жайласқан «Симург-Торт Нукус» ЖШЖға қараслы болған еки этажлы имараттың екинши этажында жайласқан улыўмалық аўқатланыў орнынның 150 квадрат метрлик бастырмасында өрт келип шыққан. Бул ҳаққында ҚР Өрт қәўипсизлиги басқармасының Өртке қарсы үгит-нәсият топары хабар берди.
Нөкисте улыўмалық аўқатланыў кафесинде өрт келип шықты
Өрт жүз берген орынға 5 өрт өшириў экипажы саат 20:03 те жетип барған. Өрт саат 20:33 те толық орап алынып, 20:55 те толық сапластырылған.
Өрттиң келип шығыўына қәўипсизлик қағыйдаларына әмел етпестен, имаратқа суўытыў системасын орнатыў мақсетинде кепсерлеў жумысларының алып барылғаны ҳәм ақыбетинде электр сымларына күшли жүклениў түсиўи себепши болған.
Нөкисте улыўмалық аўқатланыў кафесинде өрт келип шықты
Өрт ақыбетинде ҳеш ким дене жарақатын алмаған. Ҳәзирги ўақытта келтирилген зыян муғдары анықланбақта.

Ислам Матеков.

Сайтымыздың телеграмдағы каналына ағза болың: https://t.me/karinformuz

23-08-2019, 11:37
Көрилди: 591
Пикирлер: 0
Баспа ушын