Дизимнен өтиў Кириў
Сайтқа кириў
Качественные бесплатные шаблоны dle скачать с сайта



Бозатаў районын қайта шөлкемлестириў мәселеси қаралды

Бозатаў районын қайта шөлкемлестириў мәселеси қаралды
Кегейли районы ҳәкимиятының мәжилислер залында Халық депутатлары Кегейли районлық Кеңесиниң 49-санлы гезексиз сессиясы болып өтти. Бул ҳаққында Кегейли районы ҳәкимлигиниң мәлимлеме хызметине тийкарланып Қаракалпақстан Республикасы Министрлер Кеңесиниң Мәлимлеме хызмети хабар берди.
Онда Халық депутатлары Кегейли районлық Кеңеси депутатлары, тийисли мәкеме, кәрхана ҳәм шөлкем басшылары қатнасты.
Сессия күн тәртибинде Өзбекстан Республикасы Президентиниң усы жыл 20-21-август күнлери Қарақалпақстанға еткен сапары даўамында белгилеп берилген тапсырмалары тийкарында Бозатаў районын қайта шөлкемлестириў мәселеси қаралды.
Бозатаў районын қайта шөлкемлестириў мәселеси қаралды
Сессия даўамында Бозатаў районын шөлкемлестириў ҳәм ҳәкимшиликтиң орайы етип Бозатаў посёлкалық пуқаралар жыйынын белгилеў, «Қазанкеткен» мәкан пуқаралар жыйынын «Бозатаў» посёлкалық пукаралар жыйыны етип қайта дүзиў ҳәм «Қусқанатаў», «Аспантай», «Еркиндәрья» аўыл пуқаралар жыйыны ҳәм «Қазанкеткен» мәкан пуқаралар жыйынларында халықты қыйнап киятырған машқалаларды сапластырыў ҳәм халықтың турмыс шараятын жақсылаў бойынша илажларды белгилеў ҳаққында мәселелер көрип шығылды.
Сессия даўамында күн тәртибинде көрип шығылган мәселелер бойынша усыныслар Халық депутатлары районлық Кеңеси депутатлары тәрепинен бир даўыстан мақулланды.
Сессия жуўмағында Бозатаў районын шөлкемлестириў ҳәм тийисли районлардың шегараларын өзгертиў бойынша Қарақалпақстан Республикасы Министрлер Кеңесине усыныс киргизиў ҳаққында қарар қабыл етилди.

Сайтымыздың телеграмдағы каналына ағза болың: https://t.me/karinformuz

24-08-2019, 15:02
Көрилди: 276
Пикирлер: 0
Баспа ушын