Дизимнен өтиў Кириў
Сайтқа кириў
Качественные бесплатные шаблоны dle скачать с сайта



НМПИдиң «Туран» командасы қатнасыўындағы шерек финал қашан болып өтеди? Қарсыласлар қайсы командалар?

НМПИдиң «Туран» командасы қатнасыўындағы шерек финал қашан болып өтеди? Қарсыласлар қайсы командалар?
Жоқары оқыў орынлары студентлери арасында ҳәр жылы өткерилип киятырған «Қуўнақлар ҳәм зийреклер» республикалық таңлаўының шерек финал ойынларының кестеси жәрияланды.
Кестеге муўапық, Әжинияз атындағы Нөкис мәмлекетлик педагогикалық институтының «Туран» командасы усы жылдың 25-сентябрь күни шерек финал ойынында қатнасады. Шерек финалдың 5-ойыны сыпатында көрсетилген бул басқыштағы қарсылас командалар төмендегилер:

1) Гүлистан мәмлекетлик университетиниң «Божалар» командасы;
2) Өзбекстан мәмлекетлик көркем өнер ҳәм мәденият институтының «Art-study» командасы;
3) Үргениш мәмлекетлик университетиниң «Ёшуллилар» командасы;
4) «Наўайы азот» өндирислик бирлеспеси «Ширин» мәденият сарайының «Ака-укалар» командасы.

Шерек финал басқышы саат 15:00 де «Түркстан» сарайында болып өтеди.

Еслетип өтемиз, Әжинияз атындағы Нөкис мәмлекетлик педагогикалық институтының «Туран» командасы «Қуўнақлар ҳәм зийрек» республикалық таңлаўының 2018-жылдағы мәўсиминде финалға шекем жетип барып, сыйлы 2-орынды ийелеген еди.
НМПИдиң «Туран» командасы қатнасыўындағы шерек финал қашан болып өтеди? Қарсыласлар қайсы командалар?


Ислам Матеков.

Сайтымыздың телеграмдағы каналына ағза болың: https://t.me/karinformuz

16-09-2019, 16:21
Көрилди: 255
Пикирлер: 0
Баспа ушын