Дизимнен өтиў Кириў
Сайтқа кириў
Качественные бесплатные шаблоны dle скачать с сайта



Бәрше ҳайўанлар идентификация етиле ме? Оның тәртиби қандай?

Бәрше ҳайўанлар идентификация етиле ме? Оның тәртиби қандай?

Биркалаў, тамғалаў, жетонлаў ҳәм чипc орнатыў арқалы ҳайўанларға индивидуал номер бериў, ҳайўанлар ҳаққында мағлыўматларды электрон мәлимлеме системасына киргизиў ҳәм оларға ветеринария паспортын рәсмийлестириў (http://lex.uz/docs/3359038) ҳайўанларды идентификация делинеди. Тек қарамал, қой, ешки, шошқа, ат, ешек, түйе, ийт ҳәм пышықлар идентификация етиледи, деп жазады teleram’дағы huqiqiymalimleme каналы. Қуслар, қоянлар ҳәм басқа ҳайўанлар идентификация етилмейди.
Ҳайўан ийелери ҳайўан туўылғаннан соң турақлы жасаў орнындағы ветеринария хызметиниң ўәкилине төмендеги мүддетлерде мүрәжат етиўи лазым:
• қарамал, қой ҳәм ешки, түйелердиң боталары 14 күннен кейин;
• қулынлар ҳәм гүррелер 4 айлығынан кейин;
• шошқа торайлары 1 айлығынан кейин;
• ийт ҳәм пышықлар 3 айлығынан кейин.
Идентификация ушын ҳайўанларды ветеринария бөлимлерине алып барыў шәрт емес. Ветеринария хызмети ўәкилиниң өзи арза келип түскеннен соң 3 күн ишинде орнына барып ҳайўанларды идентификация етеди. Ҳайўан ийесиниң қәлеўине муўапық, ийт ҳәм пышықлар ықтыярый түрде ветеринария бөлимлерине алып барылыўы мүмкин. Ҳайўанларды идентификация етиў шәрт. Усы шәртти орынламаў ветеринария, ветеринария-санитария қағыйдалары ҳәм нормаларын бузыў есапланады ҳәм тийисли жуўапкершиликке алып келеди.
Ҳайўанларды идентификация етиў хызметлери ушын ҳайўан ийесинен төмендеги муғдарларда төлем өндириледи:
• ҳәр бир қарамал, ат, ешек ҳәм түйе ушын – 4 460 сўм;
• ҳәр бир қой, ешки ҳәм шошқа ушын – 3 345 сўм;
• ҳәр бир ийт ҳәм пышық ушын – 2 230 сўм.

Сахибжамал Есемуратова

17-09-2019, 11:21
Көрилди: 152
Пикирлер: 0
Баспа ушын