Дизимнен өтиў Кириў
Сайтқа кириў
Качественные бесплатные шаблоны dle скачать с сайта



Өзбекстан миллий сайланды командасына бас тренер тайынланды

Өзбекстан миллий сайланды командасына бас тренер тайынланды
«Бунёдкор» клубының тренери Вадим Абрамов Өзбекстан миллий сайланды командасына бас тренер етип тайынланды. Бул ҳаққында Өзбекстан футбол ассоциациясы хабар берди.
«Миллий сайланды командамызда буннан кейин Вадим Абрамов бас тренер сыпатында жумыс алып барады. ӨФА Тренерлер кеңеси елимиздеги белгили қәнигелердиң бири есапланған Вадим Карленовичтиң кандидатурасын мақуллады.
Хабарыңыз бар, Өзбекстан миллий сайланды командасы бул қәниге басшылығында Катар жасыл майданларында өткен Азия кубогы-2011 де континент бириншиликлериндеги өзиниң ең жақсы нәтийжесин көрсеткен. Сондай-ақ, миллий сайланды командамыздың сол ўақытлардағы әжайып ойынлары ықласбентлеримиздиң ядында елеге шекем қалған.
Вадим Абрамовқа тренерлер штабында Өзбекстан миллий сайланды командасы қатарында узақ жыллар даўамында табыслы ойын көрсеткен ҳәм ҳәзирги ўақытта тренерлик тараўында да қысқа ўақыт ишинде жедел өсимге ерисип, ықласбентлердиң исенимине ерискен Тимур Кападзе жәрдем береди.
Сондай-ақ, өзбек футболы ықласбентлерине жақсы таныс болған австралиялы тәжирийбели қәниге Мирко Йеличич футболшылардың физикалық таярлығы менен шуғылланады. Дәрўазаманлар менен Денис Иванков ислей береди», - деп жазылған хабарда.
Мағлыўмат ушын, Өзбекстан миллий сайланды командасы гезектеги ойынын ЖЧ-2022 сайлап алыў ойынлары шеңберинде 10-октябрь күни Ташкентте Йеменге қарсы өткереди, 15-октябрьде болса сапарда Сингапурға қарсы ойнайды.

Ислам Матеков.

Сайтымыздың телеграмдағы каналына ағза болың: https://t.me/karinformuz

24-09-2019, 11:28
Көрилди: 243
Пикирлер: 0
Баспа ушын