Дизимнен өтиў Кириў
Сайтқа кириў
Качественные бесплатные шаблоны dle скачать с сайта



Халыққа мәмлекет есабынан көрсетилетуғын медициналық жәрдем дизими ислеп шығылады

Халыққа мәмлекет есабынан көрсетилетуғын медициналық жәрдем дизими ислеп шығылады

2019-жыл 30-сентябрь күни Ҳүкимет қарары менен Өзбекстан Республикасы Мәмлекетлик бюджети қаржылары есабынан қапланатуғын медициналық жәрдемниң кепилленген көлемлери дизимин қәлиплестириў тәртиби ҳаққындағы реже тастыйықланды. Бул ҳаққында Telegram’дағы huqiqiymalimleme каналы хабар берди.
Режеге муўапық, Дизим ҳәр жылы Денсаўлықты сақлаў министрлиги тәрепинен тийисли қаржы ҳәм режели дәўир ушын Мәмлекет бюджети параметрлери тастыйықланғаннан кейин 15 күннен кешикпестен ислеп шығылады.
Дизим медициналық жәрдемниң төмендеги түрлери бойынша қәлиплестириледи:
  • қыстаўлы тез жәрдем;

  • режели (соның менен бирге бирлемши медициналық-санитария) жәрдем;

  • қәнигелескен (соның менен бирге жоқары технологиялық) медициналық жәрдем;

  • паллиатив медициналық жәрдем.

Дизимге медициналық хызметлердиң анық түрлери, соның менен бирге дәри-дармақлар, жумсалатуғын материаллары ҳәм медицина буйымлары менен тәмийинлеў киргизиледи.
Дизим медициналық хызметлер түрлери ҳәм көлемлери белгилеп алынған ҳалда, медициналық шөлкемлер дәрежеси бойынша қәлиплестириледи.
Өзбекстан Республикасы пуқаралары, республикада жасайтуғын сырт ел пуқаралары медициналық көрсетпелер болғанда тийкарландырылған мүрәжатлар менен Дизимге киргизилген медициналық жәрдемди алыў ҳуқықына ийе болады.

Сахибжамал Есемуратова

Сайтымыздың телеграмдағы каналына ағза болың: https://t.me/karinformuz

6-10-2019, 12:28
Көрилди: 155
Пикирлер: 0
Баспа ушын