Дизимнен өтиў Кириў
Сайтқа кириў
Качественные бесплатные шаблоны dle скачать с сайта



Халық билимлендириў системасындағы ең көп сын мақалалар қайсы ўәлаятларға туўры келеди? Қарақалпақстан нешинши орында?

Халық билимлендириў системасындағы ең көп сын мақалалар қайсы ўәлаятларға туўры келеди? Қарақалпақстан нешинши орында?

Усы жылдың 8-октябрь күни Өзбекстан Республикасы Халық билимлендириў министрлигинде болып өткен видеоселектор жыйналысында аймақлық басқармалардың ғалаба хабар қураллары менен бирге ислесиў мәселелери көрип шығылды, деп жазады Халық билимлендириў министрлиги баспасөз хызмети.
Өзбекстан Республикасы Президенти Администрациясы жанындағы Информация ҳәм ғалаба коммуникациялар агентлигиниң мағлыўматына муўапық, 9 ай даўамында система бойынша сын мақалалардың саны 226ны қураған. Тийкарғы машқалалар сабақлық, оқыў қуралларының жетиспеўшилиги, мектепке қабыллаў процесинен ибарат.
Министрликтиң баспасөз хызмети тәрепинен усы сын мақалалар анализленгенде, бул ўақыт аралығында ең көп сын Самарқанд ўәлаяты (41), Қашқадәрья ўәлаяты (16), Сурхандәрья ўәлаяты (11) ҳәм Ташкент қаласына (11) туўры келген. Мағлыўматта Қарақалпақстан Республикасы ҳаққында айрықша атап өтилмеген.
Сондай-ақ, ҳәр бир аймақлық басқарма рәсмий веб-сайтлары, Facebook ҳәм Telegram тармақларында рәсмий бетлерин жүргизиўин айтып өткен.

Сахибжамал Есемуратова

Сайтымыздың телеграмдағы каналына ағза болың: https://t.me/karinformuz

10-10-2019, 08:37
Көрилди: 322
Пикирлер: 0
Баспа ушын