Дизимнен өтиў Кириў
Сайтқа кириў
Качественные бесплатные шаблоны dle скачать с сайта



Шымбайда «Бес баслама — бес имканият» атамасындағы жаслар фестивалы болып өтти

Шымбайда «Бес баслама — бес имканият» атамасындағы жаслар фестивалы болып өтти

10-октябрь күни Шымбай районында жайласқан билимлендириў мектеплеринде Өзбекстан Республикасы Президентиниң жаслар менен ислесиўди нәтийжели шөлкемлестириўде мәденият, көркем-өнер, спорт, технология ҳәм китап оқыўға қызығыўшылығын арттырыў бойынша 5 әҳмийетли баслама тийкарында илажлар болып өтти. Бул ҳаққында Шымбай районы ҳәкимлиги мәлимлеме хызмети хабар берди.

Шымбайда «Бес баслама — бес имканият» атамасындағы жаслар фестивалы болып өтти

Атап айтқанда, районлық Мәденият бөлиминде «Сиз сүйген қаҳарманлар» атамасында ушырасыў өткерилди. Ушырасыўда Жаслар аўқамы Қарақалпақстан Республикалық Кеңесиниң бөлим баслығы М.Мәмбетов, қарақалпақ эстрада жулдызы Арысланбек Асқаров, «Зулфия» атындағы мәмлектлик сыйлықтың ийеси С.Қайыпназаровалар оқыўшы жаслар менен жақыннан сәўбетлести.
Сондай-ақ, Қурылыс ҳәм сервис кәсип-өнер колледжинде «Исбилерменлик сырлары» атамасында семинар тренинг өткерилди. Семинарды жеке исбилермен «Эко пласт» ЖЖЖ баслығы Б.Абдуллаев исбилерменликке қызығыўшы жаслар ушын кең түрде түсиниклер берди. Илажда «Устаз шәкирт» принципи тийкарында өнермент Әдил Тәжимуратов зергерлик буйымларын таярлаў бойынша окыўшы жасларға масстер-класс шөлкемлестирди.

Шымбайда «Бес баслама — бес имканият» атамасындағы жаслар фестивалы болып өтти

Өткерилген илаж даўамында улыўма билим бериў мектеби оқыўшылары арасында спорттың «киши футбол» түринен «Жаслар кубогы» спорт жарыслары өткерилип, онда 1-орынды 38-санлы мектеп, 2-орынды 43-санлы мектеп, 3-орынды 14-санлы мектеп окыўшылары ийеледи. Ал, сүўретлеў өнерине қызығыўшы 14-17 жас аралығында «Ўатан мениң нәзеримде» атамасында таңлаў болып өтти. Оған 40 тан аслам жаслар қатнасты ҳәм нәтийжеге көре 1-орынды 48-санлы мектеп окыўшысы А.Насиров, 2-орынды 37-санлы мектеп окыўшысы Т.Худайбергенов, 3-орынды 40-санлы мектеп оқыўшысы А.Зийўатдиновалар ийеледи. Сондай-ақ, ТашМАУ Нөкис филиалы Шымбай академиялық лицейинде жас шаңарақлар ушын «Шаңарақта руўхый-оратлықты беккемлеў» атамасында семинар-тренинг өткерилди. Усы илажлар қатарында жаслардың китапқа болған қызығыўшылығын және де асырыў мақсетинде 36-санлы улыўма билим бериў мектебинде «Мениң достым китап оқыйды» атамасында жойбар әмелге асырылды. Онда районымыздың жас шайырлардың дөретпелери тыңланды, окыўшылар тәрепинен таярланған «Тумарис» спектакли илажға сән бағышлады. Күн даўамында өткерилген илажларда өз белсендигин көрсеткен жаслар район ҳәкимлиги тәрепинен диплом ҳәм естелик саўғалары менен сыйлықланды.

Шымбайда «Бес баслама — бес имканият» атамасындағы жаслар фестивалы болып өтти

11-10-2019, 13:02
Көрилди: 146
Пикирлер: 0
Баспа ушын