Дизимнен өтиў Кириў
Сайтқа кириў
Качественные бесплатные шаблоны dle скачать с сайта



Нызамға қайшы келетуғын комментарийлерди өшириў ушын интернет журналистлерине 24 саат ўақыт бериледи

Нызамға қайшы келетуғын комментарийлерди өшириў ушын интернет журналистлерине 24 саат ўақыт бериледи

«Мәлимлемелестириў ҳаққында»ғы Нызамның 12-1-статьясына муўапық, веб-сайттың ийеси, блогерлер өзлериниң веб-ресурсларынан жынайый ямаса басқа жуўапкершиликке себеп болатуғын ҳәрекетлерди әмелге асырыў мақсетинде пайдаланыўына жол қоймаў, бундай жағдайлар жүз бергенде нызамға қайшы келетуғын информацияларды дәрҳал өшириўи шәрт екенлиги белгиленген, деп жазады Daryo.uz.
Информация ҳәм ғалаба коммуникациялар агентлиги тәрепинен информация майданында шахс ҳәм жәмийет мәплерин қорғаў, интернет ҒХҚ ўәкиллери ҳәм блогерлер веб-сайтларына нызамға қайшы келетуғын комментарийлер жазылғанда, оларды анықлаў ҳәм өширип таслаўды системасы түрде шөлкемлестириў бойынша тийисли норматив-ҳуқуқый ҳүжжет жойбары ислеп шығылды.
Бундай жағдай анықланғанда, Информация ҳәм ғалаба коммуникациялар агентлиги тәрепинен хабар жибериледи.
«Веб-сайт ямаса messenjer бетлериниң ийеси, блогер хабарнама алынған ўакыттан баслап 24 сааттан кешиктирместен Өзбекстан нызамшылығына қайшы келетуғын информацияны өширип таслаўы ҳәм бул ҳаққында Информация ҳәм ғалаба коммуникациялар агентлигине хабар бериўи керек», – дейди агентликтиң баспасөз хаткери Ҳикматулла Убайдуллаев.

Сахибжамал Есемуратова

Сайтымыздың телеграмдағы каналына ағза болың: https://t.me/karinformuz

20-10-2019, 07:54
Көрилди: 258
Пикирлер: 0
Баспа ушын