Қарақалпақстанда бүгинги күнге шекем 1 қалта ун 110 мың сўмнан нызамсыз түрде сатылғанлығы анықланды «Қарақалпақстан Дән өнимлери» кәрханасы ҳәмелдар шахслары 87 500 сўмнан сатылыўы белгиленген 6 134 қалта унды 2018-жылдың сентябрь айынан усы жылдың июнь айына шекем «X» шаңарақлық кәрханасына 110 000 сўмнан есаплап, жәми 674,7 миллион сўмға сатқан, деп хабар берди Бас прокуратура. Бас прокуратура жанындағы Департаменттиң Нөкис қалалық бөлими тәрепинен өткерилген тергеўге шекемги тексериў жумысларында ҳәр бир қалта ун 110 000 сўмнан сатылыўы ақыбетинде кәрхана ҳәмелдарлары 138 миллион сўм пулды өзлери ушын сарплап жибергенлиги анықланды. Жағдай бойынша «Қарақалпақстан Дән өнимлери» АЖ ҳәмелдар шахсларына жынаят иси ашылған. Сахибжамал Есемуратова Сайтымыздың телеграмдағы каналына ағза болың: https://t.me/karinformuz |
