Дизимнен өтиў Кириў
Сайтқа кириў
Качественные бесплатные шаблоны dle скачать с сайта



Қанлыкөлдеги қәбиристанда сүйиклиси ҳәм өзин пышақлаған жигитке суд ҳүкми оқылды

Қанлыкөлдеги қәбиристанда сүйиклиси ҳәм өзин пышақлаған жигитке суд ҳүкми оқылды

Қанлыкөл районында усы жылдың март айында басқа биреўге турмысқа шығып кеткен сүйиклиси ҳәм өзин пышақлаған 24 жаслы жигитке суд ҳүкми оқып еситтирилди, деп жазады ЎзА.
Қарақалпақстан прокуратурасының «Ғәрезсизлик ҳәм нызам» газетасының хабар бериўинше, A.Теңелбаев Ташкент қаласында қала қурылысы жумысларында жүрип, сүйиклиси С.Қуралбаеваның басқа жигитке турмысқа шыққанлығын еситкен. Ол қызға қоңыраў етип, ўақыяны анықластырған ҳәм Ташкенттен Нөкис қаласында қыздың оқып атырған оқыўына барған. Соң екеўи бир-бирине берген ўәдесине муўапық, бирге бул дүньяны тәрк етиўге келискен. Ертеңине бул исти әмелге асырыўға келискен екеўи қәбиристанға келген. Жигит өзине базардан пышақ сатып алған. Белгиленген орынға келип, жигит сүйиклисиниң өмирлик жолдасына қоңыраў етип «сен ислеген қәтени дүзетпекшимен. Ол саған да, маған да жоқ» деп айтқан.
Дәслеп жигит қыздың шеп көкирегине еки мәрте, мойын ҳәм қарнына үш мәрте пышақ урған. Оннан соң өзин де пышақлаған. Бирақ, ўақыя орнына келген қыстаўлы тез жәрдем жигиттиң өмирин сақлап қалған. Жағдай бойынша суд ислери алып барылып А.Теңелбаевқа Жынаят Кодексиниң 97-статьясы 1-бөлими менен 12 жыл азатлықтан айырылыў жазасы тайынланған.

Сайтымыздың телеграмдағы каналына ағза болың: https://t.me/karinformuz

25-10-2019, 09:21
Көрилди: 833
Пикирлер: 0
Баспа ушын