Дизимнен өтиў Кириў
Сайтқа кириў
Качественные бесплатные шаблоны dle скачать с сайта



2022-жылы Өзбекстанда халықтың дизими алынады

2022-жылы Өзбекстанда халықтың дизими алынады

Бирлескен Миллетлер Шѳлкеми 2020-жылда пүткил дүньялық халық ҳәм үй-жай фондын дизимге алыў дәстүрин қоллап-қуўатлаўды итибарға алған ҳалда, халық санын анық есаплап шығылыўын тәмийинлеўди қатаң усыныс етпекте. Бирден-бир есапқа алыў дәўиринде халықтың жынысы, жасы, шаңарақ жағдайы, мағлыўматы, турмыс дәрежеси, жасаў шәраяты, бәнтлиги, миллети, пуқаралығы ҳәмде басқа демографиялық, социал-экономикалық қәсийетлери бойынша жеке тәртипте есапқа алыў ҳәм толық характерлеў мақсетинде, республикамызда 2022-жылда халықты дизимге алыў ислери әмелге асырылады, деп жазады Қанлыкөл районы Статистика бөлими баслығы ӯ.ӯ.а. С.Атаӯбаев.
Бул Президентимиз тәрепинен, усы жылы 5-февральда тастыйықланған «Ѳзбекстан Республикасында 2022-жылда халықты дизимге алыўды ѳткериў концепциясын тастыйықлаў ҳаққында»ғы Пәрманда сәўлеленген ҳәм бул бойынша қатар ўазыйпалар белгиленди.
Пәрманға муўапық, Қарақалпақстан Республикасы Министрлер Кеңеси, ўәлаятлар ҳәм Ташкент қаласы, сондай ақ, қала ҳәм районлар ҳәкимликлери жанында 2022-жылда халықты дизимге алыўға кѳмеклесиўши аймақлық комиссиялар шѳлкемлестирилди. Олар дизимге алыўға таярлық кѳриў ҳәм оны ѳткериў менен байланыслы илажлардың ѳз ўақтында ҳәмде сапалы орынланыўын тәмийинлеў, процесске жуўапкер бирге ислесиўши шѳлкемлер жумыс искерлиги нәтийжелилигин асырыў, дизимнен ѳткериўге физикалық ҳәм юридикалық шахсларды, олардың мийнетине ис ҳақы тѳлеў мәселелерин шешеди.

Сайтымыздың телеграмдағы каналына ағза болың: https://t.me/karinformuz

28-10-2019, 10:35
Көрилди: 148
Пикирлер: 0
Баспа ушын