Дизимнен өтиў Кириў
Сайтқа кириў
Качественные бесплатные шаблоны dle скачать с сайта



Шымбайда бир әсирлик гүжим тереклери анықланды

Шымбайда бир әсирлик гүжим тереклери анықланды

Қарақалпақстан Республикасы Экология ҳәм қоршаған орталықты қорғаў комитетиниң инспекторлары тәрепинен Шымбай районында көп жыллық тереклерди анықлаў ҳәм үйрениў жумыслары әмелге асырылды. Бул ҳаққында комитет баспасөз хызмети хабар берди.

Үйрениў жумыслары нәтийжесинде райондағы «Гүжим», «Бахытлы», «Қостерек» АПЖ аймақларында бир әсирден көп ўақыттан берли өмир сүрип киятырған 8 түп гүжим тереги анықланған. Бул көп жыллық тереклер мәмлекетлик қадағалаўға алынып, район ҳәкимлиги тәрепинен бул тереклер «Миллий тәбият естелиги» деп баҳаланған.
Шымбайда бир әсирлик гүжим тереклери анықланды

Мағлыўмат ушын, гүжим Қарақалпақстанда өсетуғын көп жыллық тереклердиң кең тарқалған түрлериниң бири болып табылады.

Ислам Матеков.

Сайтымыздың телеграмдағы каналына ағза болың: https://t.me/karinformuz

16-07-2020, 14:57
Көрилди: 719
Пикирлер: 0
Баспа ушын