Дизимнен өтиў Кириў
Сайтқа кириў
Качественные бесплатные шаблоны dle скачать с сайта



«Matiz» тепловоз бенен соқлығысты: Тақыятаста еки жол-транспорт ҳәдийсеси ақыбетинде 3 адам қайтыс болды

«Matiz» тепловоз бенен соқлығысты: Тақыятаста еки жол-транспорт ҳәдийсеси ақыбетинде 3 адам қайтыс болды
Тақыятас районлық ИИБ жол ҳәрекети қәўипсизлиги топарының аға инспекторы А.Бекбосыновтың «Қарақалпақстан» телеканалы «Хабар» информациялық бағдарламасына берген интервьюсында мәлим етилиўинше, 2020-жыл 1-октябрь күни Тақыятас районы «Кенегес» АПЖ аймағында жасайтуғын пуқара Ә. усы аймақтан өтетуғын 4N-55 жолының 2-километринде мәс ҳалында жолдың ортасында уйқлап қалған. Ақыбетинде пуқара А. басқарыўындағы «Nexia» маркалы автомобильдиң астында қалып қойып, ўақыя орнында қайтыс болған.
«Matiz» тепловоз бенен соқлығысты: Тақыятаста еки жол-транспорт ҳәдийсеси ақыбетинде 3 адам қайтыс болды
Сондай-ақ, усы жылдың 2-октябрь күни усы аймақта жасайтуғын пуқара Ж.Х. «Matiz» маркалы автотранспорт қуралы ишинде қызы ҳәм келинин райондағы емлеўханаға алып баратырған ўақтында «Қоңырат-Нөкис» жөнелисинде ҳәрекетленип киятырған тепловоз бенен соқлығысқан. Ўақыя ақыбетинде автомобильдеги жолаўшылар – пуқара Ж.Х.ның қызы ҳәм келини емлеўханада өзине келместен қайтыс болған.

Ислам Матеков.

Сайтымыздың телеграмдағы каналына ағза болың: https://t.me/karinformuz

8-10-2020, 12:30
Көрилди: 324
Пикирлер: 0
Баспа ушын