Дизимнен өтиў Кириў
Сайтқа кириў
Качественные бесплатные шаблоны dle скачать с сайта



Төрткүлде 79 жаслы ҳаял адам ҳәм оның ақлығының өлимине себепши болған жынаят ашылды

Төрткүлде 79 жаслы ҳаял адам ҳәм оның ақлығының өлимине себепши болған жынаят ашылды
Өткен ҳәптеде Төрткүл районында 79 жаслы ҳаял адам өз үйинде өлтирип кетилгени, оның ақлығы болса аўыр аўҳалда емлеўханаға жатқарылғаны ҳаққында хабар берген едик.

ӨзР Бас прокуратурасы баспасөз хызметиниң хабар бериўинше, жағдай бойынша Төрткүл районлық прокуратурасы тәрепинен Жынаят кодексиниң 97-статьясы (Қастан адам өлтириў) менен жынаят иси ашылып, алып барылған тергеў ҳәрекетлери нәтийжесинде 29 жаслы Ж.С. усланған.

Ол усы жылдың 29-ноябрь күни урлық етиў мақсетинде үйге кирип, ҳаялды асхана пышағы менен қастан өлтиргени және пул ҳәм 2 дана уялы телефон аппаратын алып кеткенлиги анықланды.

Ўақыя орнында болған марҳумның 22 жаслы ақлығы болса алған жарақатлары себепли емлеўханада қайтыс болған.

Ҳәзирги ўақытта судтың ажырымы менен Ж.С.ға қамақ шарасы қолланылған.

Тергеў ҳәрекетлери даўам етпекте.

Ислам Матеков.

Сайтымыздың телеграмдағы каналына ағза болың: https://t.me/karinformuz

7-12-2020, 15:13
Көрилди: 681
Пикирлер: 0
Баспа ушын