Дизимнен өтиў Кириў
Сайтқа кириў
Качественные бесплатные шаблоны dle скачать с сайта



Қарақалпақстанда ишимлик суўы ушын тарифлер пуқаралар ушын 850 сумға, бюджет мәкемелери ушын 395 сумға қымбатлайды

Қарақалпақстанда ишимлик суўы ушын тарифлер пуқаралар ушын 850 сумға, бюджет мәкемелери ушын 395 сумға қымбатлайды
Қарақалпақстан Республикасы Жоқарғы Кеңесиниң 2020-жыл 28-декабрьдеги №94/XII-санлы қарарына тийкарланып, 2021-жылдың 21-январь сәнесинен баслап «Қарақалпақ суў тәмийнаты» ЖШЖның ишимлик суўы ҳәм ақаба суў хызметлери ушын жаңа баҳалар (қосымша қун салығысыз (ҚҚС) белгиленетуғынлығы мәлим етилди.

Яғный, 2021-жыл 21-январьдан баслап:

Пуқаралар ушын:

1 куб метр ишимлик суўы ушын – 1850 сум;
1 куб метр ақаба суў ушын – 1100 сум.

Бюджет мәкемелери ушын:

1 куб метр ишимлик суўы ушын – 3695 сум;
1 куб метр ақаба суў ушын – 2350 сум.

Басқа кәрханалар ушын:

1 куб метр ишимлик суўы ушын – 3695 сум;
1 куб метр ақаба суў ушын – 2350 сум.

«Қарақалпақ суў тәмийнаты» ЖШЖ басқармасы пуқаралар ҳәм мәкеме, кәрхана басшыларына ишимлик суўы ҳәм ақаба суў хызметлери бойынша қарызларын 2021-жылдың 21-январь сәнесине шекем ҳәрекет етип турған баҳаларда, ал 2021-жылдың 21-январь сәнесинен баслап хызметлер ушын есап-санақлар жаңа баҳаларда жүргизилетуғынлығын мәлим еткен.

Еслетип өтемиз, Қарақалпақстанда ишимлик ҳәм ақаба суўы ушын тарифлер соңғы мәрте 2019-жылдың август айында көтерилген еди. Бунда пуқаралар ушын 1 куб метр ишимлик суўы ушын – 1000 сум, 1 куб метр ақаба суў ушын – 830 сум етип белгиленген еди.

Ислам Матеков.

Сайтымыздың телеграмдағы каналына ағза болың: https://t.me/karinformuz

6-01-2021, 13:19
Көрилди: 504
Пикирлер: 0
Баспа ушын