Дизимнен өтиў Кириў
Сайтқа кириў
Качественные бесплатные шаблоны dle скачать с сайта



Колонияда жаза мүддетин өтеп атырған пуқара ишки ислер уйымы хызметкерине пара бермекши болды

Колонияда жаза мүддетин өтеп атырған пуқара ишки ислер уйымы хызметкерине пара бермекши болды
Қарақалпақстан Республикасы Ишки ислер министрлиги 27-санлы колониясында алдын жынаятқа қол урып, жаза мүддетин өтеп атырған пуқара Р.Қ. колония баслығының орынбасары, майор К.Бекмуратовқа шәртнама объектлерине жумысқа бириктирмеў ушын 200 000 сум пулды пара сыпатында усыныс еткен. Жағдай бойынша колония баслығының орынбасары, майор К.Бекмуратов ҚР ИИМ басшыларына мәлимлеме арқалы мүрәжат еткен, деп жазбақта ИИМ мәлимлеме хызмети.

Усы мәлимлеме тийкарында ӨзР ИИМ Өз қәўипсизлиги басқармасының Қарақалпақстан Республикасы бойынша бөлими ҳәм Қоңырат районлық прокуратурасы менен биргеликте өткерилген илаж даўамында Р.Қ. колония баслығының орынбасары, майор К.Бекмуратовтың хызмет бөлмесинде 200 000 сум пулды пара сыпатында берген ўақтында айғақлы дәлиллер менен усланған.

Жағдай бойынша Бас прокуратураның Экономикалық жынаятларға қарсы гүресиў департаменти ҚР басқармасы Қоңырат районлық бөлими тәрепинен ӨзР Жынаят кодексиниң 211-статьясы 1-бөлими менен жынаят иси ашылып, тергеў жумыслары алып барылмақта.

Ислам Матеков.

Сайтымыздың телеграмдағы каналына ағза болың: https://t.me/karinformuz

15-03-2021, 13:17
Көрилди: 455
Пикирлер: 0
Баспа ушын