Дизимнен өтиў Кириў
Сайтқа кириў
Качественные бесплатные шаблоны dle скачать с сайта



Қанлыкөлдеги МТП жумысшыларының 88 миллион сумнан аслам мийнет ҳақылары төленбеген

Қанлыкөлдеги МТП жумысшыларының 88 миллион сумнан аслам мийнет ҳақылары төленбеген
«Қанлыкөл агросервис МТП» бирнеше айлардан берли өз жумысшыларына мийнет ҳақыларын төлемей келген. Буннан наразы болған жумысшылар усы жылдың март айында Қанлыкөл районлық әдиллик бөлимине мүрәжат еткен, деп жазбақта ҚР Әдиллик министрлиги.

Мүрәжат етиўшилердиң арзасы тийкарында жағдай үйренилгенде, машина трактор парки тәрепинен улыўма 28 жумысшыға 88 миллион 734 мың 237 сум муғдарындағы мийнет ҳақылары төленбегени мәлим болды.

Районлық әдиллик бөлими тәрепинен бул бойынша ӨзР Пуқаралық процессуал кодексиниң 171-статьясы тийкарында Қоңырат районлар аралық судына арза киргизилди.

Суд тәрепинен мийнет ҳақыларын өндириў ҳаққындағы суд буйрықлары шығарылып, ҳәзирги ўақытта орынлаўға бағдарланған.

Усы орында атап өтиў орынлы, ӨзР Мийнет кодексиниң 154-статьясына муўапық, жумыс бериўши өзиниң финанслық жағдайына қарамастан, жумысшыға мийнети ушын ҳақыны белгиленген мийнет ҳақы шәртлерине муўапық төлеўге мәжбүр болып есапланады.

Сондай-ақ, Министрлер Кабинетиниң 2002-жыл 19-марттағы 88-санлы қарарында мүлкшилик формасына қарамастан, кәрханалар ҳәм шөлкемлердиң басшылары жумысшыларға мийнет ҳақысын өз ўақтында және толық төлениўи ушын жеке жуўапкер екенлиги белгиленген.

Ислам Матеков.

Сайтымыздың телеграмдағы каналына ағза болың: https://t.me/karinformuz

24-03-2021, 15:39
Көрилди: 318
Пикирлер: 0
Баспа ушын