Дизимнен өтиў Кириў
Сайтқа кириў
Качественные бесплатные шаблоны dle скачать с сайта



Токио Олимпиадасына жоллама бериўши соңғы лицензиялық жарысқа Қарақалпақстаннан 4 палўан қатнасады

Токио Олимпиадасына жоллама бериўши соңғы лицензиялық жарысқа Қарақалпақстаннан 4 палўан қатнасады
Усы жылдың 6-9-май күнлери Болгарияның София қаласында спорт гүреслери бойынша дүнья жүзилик көлемде «Токио-2020» Олимпия ойынларына жоллама бериўши лицензиялық жарыс болып өтеди. Оған Қарақалпақстан Республикасынан 4 спортшы қатнасып, Олимпия жолламалары ушын гилемге түседи.

Атап айтқанда, еркеклер арасында еркин гүрес бойынша 125 кг салмақ категориясында Дилмуҳаммед Нурмуҳаммедов, ҳаял-қызлар гүреси бойынша 50 кг салмақта Дәўлетбийке Яхшимуратова, 57 кг салмақта Севара Ешмуратова ҳәм 62 кг салмақ категориясында Набира Есенбаева төрт жыллықтың ең жоқарғы спорт жарыслары – Олимпия ойынларына жолламаны қолға киргизиў ушын беллеседи.

Жарыста тек ғана финалға жоллама алған спортшылар Токио Олимпиадасына жоллама алады.

Биз жарыс алдынан Өзбекстан спорты тарийхында биринши мәрте ҳаял-қызлар арасында жәҳән чемпионатында гүмис медаль ийесине айланған қарақалпақстанлы палўан қызымыз Набира Есенбаева менен сәўбетлестик.

- Токио Олимпиадасына жоллама беретуғын ең соңғы жарыс болғанлықтан күшли таярлықлар алып бардық. Спортшылардың кейпиятлары жақсы. Несип етсе елимизге Токио Олимпиадасы жолламалары менен қайтыўға бар күш-жигеримиз бенен ҳәрекет етемиз, - деди Набира Есенбаева.

Биз өз гезегинде, спортшыларымызға болажақ жарыста әўмет тилей отырып, Токио Олимпиадасы жолламаларын қолға киргизиўине тилеклеслик билдиремиз.

Ислам Матеков,
Karinform.uz.


Сайтымыздың телеграмдағы каналына ағза болың: https://t.me/karinformuz

4-05-2021, 14:25
Көрилди: 185
Пикирлер: 0
Баспа ушын