Дизимнен өтиў Кириў
Сайтқа кириў
Качественные бесплатные шаблоны dle скачать с сайта



Россияда мигрантлар ушын жаңа талаплар белгиленди

Россияда мигрантлар ушын жаңа талаплар белгиленди
Россия ҳүкимети сырт еллерден келген жумысшылар ушын рус тили, тарийхы ҳәм нызамшылық тийкарларын билиўдиң минимал дәрежесине қойылатуғын талапларды тастыйықлады. Ҳүжжет Россия ҳуқықый мәлимлеме сайтында жәрияланды.

Усы тийкарда, мигрантлар жәмийетлик-турмыслық ҳәм айырым профессионал темаларда еркин сәўбетлесе алыўы керек. Атап айтқанда, бул жумысқа қабыллаўға, емлеўханадағы мәсләҳәтлесиўге ҳәм полицияға мүрәжат етиўге тийисли. Соның менен бирге, оларға зәрүр ҳүжжетлер ҳәм арзаны толтырыўды билиў мәжбүрий етип белгиленди.

Россия тарийхы бойынша имтиханды тапсырыўда сырт еллилердиң тийкарғы ўақыялар, ең ири қалалардың атлары ҳәм тийкарғы мәмлекетлик байрамлары ҳаққындағы билимлери сынақтан өткериледи.

Буннан тысқары, олар мәмлекетте болған ўақтында өзлериниң тийкарғы ҳуқықлары, еркинликлери ҳәм миннетлемелери менен танысыўлары керек.
Бул талаплар, базы өзгешеликлерден тысқары, Россияда ўақтынша жасаўды жобаластырғанларға да тийисли есапланады.

Азизбек Дабылов,
ҚМУ Интернет журналистикасы тәлим бағдарының 2-курс студенти.


Сайтымыздың телеграмдағы каналына ағза болың: https://t.me/karinformuz

3-06-2021, 16:59
Көрилди: 633
Пикирлер: 0
Баспа ушын