Дизимнен өтиў Кириў
Сайтқа кириў
Качественные бесплатные шаблоны dle скачать с сайта



10-июнь күни қарақалпақстанлылар сийрек гезлесетуғын астрономиялық ҳәдийсени бақлаўы мүмкин

10-июнь күни қарақалпақстанлылар сийрек гезлесетуғын астрономиялық ҳәдийсени бақлаўы мүмкин
Ертең, 10-июнь күни сақыйна тәризли Қуяш тутылыўы жүз береди. Бул Қуяш тутылыўы елимиз халқы ушын 2021-жылдағы бақлаў мүмкин болған дәслепки тутылыў есапланады. Бул ҳаққында бизге ӨзР Илимлер академиясы Улығбек атындағы Астрономия институты киши илимий хызметкери, қарақалпақстанлы жас астроном Азизбек Матеков мәлим етти.

Қуяш тутылыўын республикамыз аймағынан бақлағанда, Ай Қуяш бетиниң оғада киши бөлегин тосады, яғный тек ғана үлесли Қуяш тутылыўын бақлаў мүмкин болады.

Қуяш тутылыўы Нөкис ўақты менен саат 16:57 де басланып, тутылыўдың максимум ўақты саат 17:16 да бақланады ҳәм тутылыў саат 17:35 те жуўмақланады, яғный 38 минут даўам етеди. Пайтахтымызда Қуяш тутылыўының максимал фазасы 3% ти қурайды.
10-июнь күни қарақалпақстанлылар сийрек гезлесетуғын астрономиялық ҳәдийсени бақлаўы мүмкин
Мағлыўматта келтирилиўинше, сақыйна тәризли Қуяш тутылыўының толық фазасы Канада, Гренландия ҳәм Россияның узақ шығыс аймақларында бақланып, тутылыўдың максимал фазасы 94,3% ти қурайды және толық фазаның даўамлылығы 3 минут 51 секундқа тең болады.

Еслетип өтемиз, буннан алдын республикамыз халқы 2020-жылдың 21-июнь күни жүз берген сақыйна тәризли Қуяш тутылыўын, яғный үлесли Қуяш тутылыўы ҳәдийсесин бақлаған еди.

Қарақалпақстанлы жас астроном Азизбек Матековтың қосымша етиўинше, республикамыз халқы келеси Қуяш тутылыўын 2022-жыл 25-октябрьде бақлаўы мүмкин болады. Бул Қуяш тутылыўында тосылыў магнитудасы 75% ке жетеди.

Ислам Матеков,
Karinform.uz.


Сайтымыздың телеграмдағы каналына ағза болың: https://t.me/karinformuz

9-06-2021, 14:49
Көрилди: 489
Пикирлер: 0
Баспа ушын