Дизимнен өтиў Кириў
Сайтқа кириў
Качественные бесплатные шаблоны dle скачать с сайта



Нөкис мәмлекетлик педагогикалық институты делегациясы Пакистанда

Нөкис мәмлекетлик педагогикалық институты делегациясы Пакистанда
Әжинияз атындағы Нөкис мәмлекетлик педагогикалық институтында Пакистан Ислам Республикасының Пенжаб университети менен илимий-педагогикалық жумысларда еки тәреплеме бирге ислесиў бойынша сөйлесиўлер алып барылып, алдағы исленетуғын ўазыйпалар белгилеп алынғаны ҳаққында хабар берген едик.

Институттың илимий ислер ҳәм инновациялар бойынша проректоры П.Калханов, халықаралық байланыслар бөлими баслығы А.Бимбетов ҳәм шет тиллери кафедрасының баслығы Н.Бабаниязова, сондай-ақ, Өзбекстанның Пакистадағы елшиханасы сиясий мәселелери бойынша хаткери Х.Тошбаевлардан ибарат делегация Пакистан Ислам Республикасының Лаҳор қаласында жайласқан Пенжаб университетине хызмет сапары менен барды.
Нөкис мәмлекетлик педагогикалық институты делегациясы Пакистанда
Пенжаб университети вице-канцлери, профессор Муҳаммад Салим Мажар, вице-канцлер Нияз Аҳмад Ахтар, Регионаллық бирге ислесиў орайы баслығы Фоизила Ҳади Али, Ҳәкимшилик бирге ислесиў директоры Яаамина Салам, Илимий-изертлеў институты директоры Рафакату менен болып өткен ушырасыўда делегация ўәкиллери усы жылдың 14-апрель күни Өзбекстан Республикасы Президенти Ш.Мирзиёев ҳәм Пакистан Ислам Республикасы Бас министри Имрон Хон арасында болып өткен онлайн саммитте еки мәмлекет арасында жәмийетлик-сиясий, экономикалық, мәдений-гуманитар тараўларда бирге ислесиўди жаңа басқышқа көтериў мәселесинде сөйлесиўлер алып барылғаны үлкен тарийхый әҳмийетке ийе болғанлығын атап өтип, соннан келип шығып, еки жоқары оқыў орны арасында студентлер, докторантлар ҳәм профессор-оқытыўшыларды алмасыў, 6 айдан 1 жылға шекемги бийпул ҳәм барлық қәрежетлери қапланатуғын оқыў сапарларын шөлкемлестириў бойынша алып барылатуғын жумысларды додалады.

Ислам Матеков,
Karinform.uz.


Сайтымыздың телеграмдағы каналына ағза болың: https://t.me/karinformuz

18-06-2021, 17:50
Көрилди: 195
Пикирлер: 0
Баспа ушын