Дизимнен өтиў Кириў
Сайтқа кириў
Качественные бесплатные шаблоны dle скачать с сайта



ҚМУда магистрантлар ҳәм студентлердиң питкериў кешеси болып өтти



Бүгин 8-июль күни Бердақ атындағы Қарақалпақ мәмлекетлик университетинде «Пидайың болғаймыз сениң, Өзбекистан!» атамасындағы магистрантлар ҳәм студентлердиң питкериў кешеси болып өтти. Кешени университет ректоры А. Реймов ашып берди.
Кешеде Қарақалпақстан Республикасы Жоқарғы Кеңесиниң Комитет баслығы Д.Қурбаниязов, Қарақалпақстан Республикасы Министрлер Кеңеси баслығының орынбасары М.Жуманов, Өзбекистан қаҳарманы Ғ.Хожаниязов, университеттиң Нураныйлар кеңесиниң баслығы Б.Абдикамалов ҳәм ата-аналар шығып сөйлеп питкериўшилерди қутлықлады, олардың келешектеги жумысларында әўмет тиледи.
Буннан соң питкериўши магистрантлар ҳәм студентлерге салтанатлы диплом бериў мәресими болып өтти.
Быйылғы оқыў жылында 41 бакалавр тәлим бағдары бойынша 1944 студент ҳәм магистратура бөлиминиң 20 қәнигелиги бойынша 86 магистрант табыслы питкерди.



Қуўанышлы тәрепи, усы жылы магистратура бөлиминиң еки студенти журналистика қәнигелиги бойынша Г.Сейтназарова ҳәм қарақалпақ әдебияты қәнигелиги бойынша М. Палымбетовалар мәмлекетлик Президент стипендия ийеси болды. Олар быйыл магистратура бөлимин питкерип атыр.
«Бүгин магистрлик дәрежесин алғанымнан жүдә қуўанышлыман. Бизге билим берген устазларыма өзимниң шексиз миннетдаршылығымды билдиремен. Келешекте илим жолынан жүрип, жәмийетмиздиң раўажланыўына өзимниң үлесимди қосаман, деп ўәде беремен» деди Гүлжәҳән Сейтназарова толқынланып.
Кеше соңында «Ҳүрлиман» халық ансамбли тәрепинен таярланған концерт бағдарламасы жыйналғанлардың нәзерине усынылды.



Сахибжамал Есемуратова

8-07-2017, 16:45
Көрилди: 2063
Пикирлер: 1
Баспа ушын

Пикир(1)
Рахманова Гульнара 10 июля 2017 09:17
Бахытлы заманнын бахытлы жаслары, сизлерди шын журектен кутлыклайман хам мактаныш етемен.Келешегиниз айдын, нурлы хам табыслы болсын.Озбекистан Республикасынын биринши Президенти айтып кеткениндей гарезсизлигимиздин манги болыуы умит етип отырган келешегимизболган жаслардын жамийетимизге кандай инсан болып кирип келиуинде деген гапи жуда орынлы, сизлердей талапшан, билимли дана хам еркин пикирлейтугын озине исеними мол жаслар жетилисип атырганда биз албетте исенимли жасаймыз. Билимли инсан ен бай саналады ол тек шанарагынын емес ал жамийеттинде байлыгы деген емеспеди. Жаслар тек алга ....
[reply]Ответить[/reply]          1