Юлия Самойлова Туладаги «Россия талабалар баҳори» фестивалининг очилиш маросимида қатнашади

Қўшиқчи Юлия Самойлова Россиядаги «Россия талабалар баҳори» XXV фестивалида қатнашади дея хабар бермоқда Tass.ru. 25 йилдан буён ўтказилиб келаётган фестиваль бу йил 15-19 май кунлари оралиғида Тулада бўлиб ўтади.
«Талабалар баҳори» - Россия Федерациясининг ёшлар ўртасидаги энг аҳамиятга эга тадбирлардан бири. Унда 1,5 минг ёш истеъдод эгалари ва 3 минг талаба қатнашиши режалаштирилган. Фестивальнинг дастурида рақс, мусиқа, театр, цирк, журналистика кабилар ўрин олади. Маълумот учун, 2016 йил «Талабалар баҳори» Татаристонда ўтказилган эди.

Cахибжамал Есемуратова