Усы жылдың өткен 10 айы даўамында Өзбекстанда қыстаўлы тез жәрдемге мүрәжат еткенлердиң саны 9 миллионнан артты, – дейди қыстаўлы тез жәрдем мәселелери бойынша аймақлық координаторы Обиджон Дилмуродов.
Салыстырыў ушын, 2016-жылы қоңыраўлар саны 7,2 миллионды, 2017-жылы 8,7 миллионды, 2018-жылы 9,8 миллионды қураған еди.
Халықтың бундай исениминиң артыўына 2018-2019-жылларда республикалық қыстаўлы тез жәрдем илимий орайы филиалларында қурылыс ислери ушын 62,33 миллиард сўм қаржы ажыратылып, оның арнаўлы санитар автотранспорт паркының жаңаланғанлығы, ҳәзирде системада еки ярым мыңға жақын Nissan, Hundai, Toyota маркалы ҳәм басқа да заманагөй тез жәрдем машиналарының халыққа хызмет көрсетип атырғынлығы тийкар болмақта, деп жазады daryo.uz.
Сахибжамал Есемуратова
Сайтымыздың телеграмдағы каналына ағза болың: https://t.me/karinformuz
