2019-жыл 2-ноябрь күни Қоңырат районлық Өрт қәўипсизлиги бөлими хызметкерлери тәрепинен район аймағындағы пуқаралар турақ жайларында, экономика тараўлары объектлери ҳәм билимлендириў мәкемелеринде пуқаралардың ийис газинен зәҳәрлениўиниң алдын алыў ҳәм өрт қәўипсизлиги қағыйдалары бойынша үгит-нәсият илажы өткерилди, деп хабар берди Коңырат районлық Өрт қәўипсизлиги бөлими баслығы орынбасары, майор М.Халмуратов. Оған районлық Өрт қәўипсизлиги бөлими, районлық газ, электр тармақлары кәрханалары ҳәм өрттен қорғаў жәмийетлеринен хызметкерлер қатнасты.
Илаж даўамында район аймағында 816 пуқаралар турақ жайлары, 22 көп қабатлы үйлер тексерилди. Сондай-ақ экономика тармақлары объектлеринде де өрт-профилактика көриклери өткерилип кемшиликлер сол жердиң өзинде сапластырылды. Илаж Өзбекстан Республикасы Президентиниң 2019-жыл 30-июль күнги «Республика экономика ҳәм социаллық тараўларын 2019-2020-жыллар гүз-қыс мәўсиминде үзиликсиз ислеўине комплекс таярлаў ис-илажлары ҳаққында»ғы ПҚ-4407 санлы қарарының орынланыўын тәмийинлеў мақсетинде өткерилди.
Сайтымыздың телеграмдағы каналына ағза болың: https://t.me/karinformuz
