Сайтымыздың telegram-bot мәнзилине келген жолдың қарама-қарсы тәрепинде ҳәрекетленген Cobalt автомобилиниң видеосын жәриялаған едик. Бул видео бойынша рәсмий жуўап берилди. Анықланыўынша, бул ўақыя 2019-жылдың 24-август күни Нөкис қаласы Беруний көшесинде болып өткен. Cobalt маркалы автомобильди Нөкис қаласында жасаўшы 1990-жылы туўылған пуқара Қ.Т. басқарған, деп хабар берди Қарақалпақстан Республикасы ИИМ ЖҲҚБ баспасөз топары хызмети аға инспекторы аға лейтенант Салаўат Қәллибеков.
Автомобиль ўақтынша сақлаў жәрийма майданшасына қойылып, қарама-қарсы тәрепке ҳарекетленип, автотранспортларға авариялық жағдай келтирип шығарғанлығы ушын пуқараға Өзбекстан Республикасы Министрлер Кабинетиниң 2015-жыл 24-декабрьдеги 370-санлы қарарының жол ҳәрекети қағыйдалары ҳаққындағы нызамының 2-бәнтине тийкарланып ҳәкимшилик баянламасы дүзилген.
Сахибжамал Есемуратова
Сайтымыздың телеграмдағы каналына ағза болың: https://t.me/karinformuz
