2019-жыл 13-ноябрь күни сайтымыздың telegram-bot мәнзилине келген Шымбай районындағы пахта тазалаў пунктинде келип шыққан өрт сәўлеленген видео бойынша Қарақалпақстан Республикасы Өрт қәўипсизлиги басқармасы Мәлимлеме хызмети аға инспекторы, аға лейтенант Айбек Абдирахманов рәсмий мағлыўмат берди.
Анықланыўынша, 13-ноябрь күни саат 12:17лерде Шымбай районы «Кукши қала» МПЖ аймағы Ж.Каракулов көшеси 100-жай «Халқабад пахта тазалаў» АЖға қараслы Шымбай пахта тазалаў орнында өрт келип шыкқан. Сол күни саат 12:53лерде өрт қәўипсизлиги хызмети тәрепинен өрт өширилген. Ҳәзирде өрттиң келип шығыў себеби ҳәм көрилген зыян муғдары анықланбақта.
Сайтымыздың телеграмдағы каналына ағза болың: https://t.me/karinformuz
