2017-жылдан баслап дем алыс күнлери бойынша өзгерислер болып, өткен 2018- ҳәм жуўмақланыў алдында турған 2019-жылларда ҳәптесине 5 күн жумыс ислейтуғынлар жаңа жыл байрамы мүнәсибети менен избе-из 5 күн дем алған еди.
Ҳуқықтаныўшы-блогер Хушнудбек Худайбердиевтиң мәлим етиўинше, 2019-жылдағы тәртипке муўапық өткен жылдағы сыяқлы избе-из 5 күнлик дем алыс болмайды, дем алыс күни избе-из 3 күн болады.
Ҳәптесине 5 күн ислейтуғынлар ушын төмендеги күнлер дем алыс күни болады:
31-декабрь – сийшемби (көширилген дем алыс күни);
1-январь – сәршемби (Жаңа жыл байрамы);
2-январь – пийшемби (көширилген дем алыс күни).
28-декабрь (шемби) ҳәм 4-январь (шемби) күнлери ҳәптесине 5 күн ислейтуғынлар ушын рәсмий жумыс күни болады.
Ҳәптесине 6 күн ислейтуғын хызметкерлерге төмендеги күнлер дем алыс күни болады:
1-январь – сәршемби (Жаңа жыл байрамы);
2-январь – пийшемби (қосымша дем алыс күни).
30- ҳәм 31-декабрь күнлери ҳәптесине 6 күн ислейтуғынлар ушын рәсмий жумыс күни болады.
Ислам Матеков.
Сайтымыздың телеграмдағы каналына ағза болың: https://t.me/karinformuz
