Рейтинг. Өзбекистан туристлер ушын қәўипли болған мәмлекетлер қатарында

International SOS медициналық хызмет көрсетиў компаниясының хызметкерлери дүньяның интерактивлик картасын иследи. Онда саяхатшылар ушын ең қәўипли ҳәм қәўипсиз еллерди көрсетип өтилген.
Компания сайтында орналастырылған картада мәмлекетлер туристлер ушын қәўиплилик дәрежесине қарай ҳәр қыйлы реңлерге боялған.
Туристлер ушын ең қәўипли деп табылған мәмлекетлер қызылға боялған. Оларға Сирия, Мали, Ливия, Қубла Судан, Йемен, Аўғанстан ҳәм Сомали киргизилген.
Ал Өзбекистан болса ең қәўиплиден кейинги – екинши дәрежели қәўипли мәмлекетлер қатарына киргизилген.
Туристлер ушын ең қәўипсиз деп табылған мәмлекетлер жасылға боялған болып, оларға Финляндия, Норвегия ҳәм Исландиялар киргизилген.

Ислам Матеков.