Өзбекстан Республикасы Бәнтлик ҳәм мийнет қатнасықлары министрлиги 2019-жылғы пахта жыйым-терими мәўсими даўамында мәжбүрий мийнетке жол қойғаны себепли ҳәкимшилик жәриймаға тартылған лаўазымлы тәреплердиң дизимин жәриялады.
Дизимде улыўма 43 лаўазымлы адам көрсетилген болып, олардың 7 и Қарақалпақстан Республикасынан болып табылады.
Дизимге муўапық, олар арасында «Халық банки»ниң Хожели филиалы басқарыўшысы, Төрткүл районлық медициналық бирлеспесиниң бас врачы, Хожели районындағы 7-, 8-, 9- ҳәм 31-санлы улыўма билим бериў мектеплериниң директорлары, сондай-ақ, Нөкис қаласындағы 1-санлы балалар ҳәм жас өспиримлер спорт мектебиниң директоры да бар екенлигин көриўимиз мүмкин.
Булардың барлығы Ҳәкимшилик жуўапкершилик ҳаққындағы кодекстиң 51-статьясы (Мийнетке ҳәкимшилик түрде мәжбүрлеў) 1-бөлими бойынша базалық есаплаў муғдарының он есесинен отыз есесине шекемги муғдарда жәриймаға тартылған.
Ислам Матеков.
Сайтымыздың телеграмдағы каналына ағза болың: https://t.me/karinformuz
