Қарақалпақстан хабар агентлигиниң шолыўшысы Ә.Жийемуратовтың Нөкис қалалық Санитариялық-эпидемиологиялық тынышлық орайына тийкарланып хабар бериўинше, усы күнге шекем Нөкис қаласына сырт елден келген пуқаралардың саны 41 ге (соннан шет ел пуқаралары 6) жетти.
Сырт елден келген пуқараларға аймақлық шаңарақлық емлеўхана ҳәм санитариялық-эпидемиологиялық тынышлық орайы хызметкерлери тәрепинен 14 күнлик бақлаў жумыслары жүргизилмекте.
Усы күнге шекем сырт елден келген 23 пуқараның бақлаўы тамамланды. Ҳәзирги ўақытта олардың денсаўлығы жақсы.
Ал, сырт елден келген 28 пуқараға болса, бақлаў даўам етпекте. Ҳәзирги ўақытта олардың денсаўлығында ҳеш қандай өзгерис сезилмеди.
Сайтымыздың телеграмдағы каналына ағза болың: https://t.me/karinformuz
