ӨзР Денсаўлықты сақлаў министрлигиниң хабар бериўинше, ҳәзирги ўақытта Өзбекстанда коронавирус инфекциясы анықланған адамлар саны 390 ды қурамақта. Наўқаслардың 188 и ер адам, 202 си болса ҳаял-қызлардан ибарат.
Жас категориясына қарайтуғын болсақ:
0-9 жасқа шекемгилер – 10 адам (2,6%);
10-19 жасқа шекемгилер – 15 адам (3,8%);
20-29 жасқа шекемгилер – 59 адам (15,1%);
30-39 жасқа шекемгилер – 111 адам (28,5%);
40-49 жасқа шекемгилер – 123 адам (31,5%);
50-59 жасқа шекемгилер – 48 адам (12,3%);
60-69 жасқа шекемгилер – 17 адам (4,4%);
70-79 жасқа шекемгилер – 6 адам (1,5%);
80 жастан жоқары болғанлар – 1 адам (0,3%) ды қурамақта.
Хабарда жазылыўынша, ҳәзирги ўақытта Ташкент қаласында коронавирус инфекциясына шалынған 170 наўқас емленбекте. Сондай-ақ, Қарақалпақстан Республикасында 2, Әндижан ўәлаятында 61, Бухара ўәлаятында 19, Наманган ўәлаятында 48, Ферғана ўәлаятында 64, Хорезм ўәлаятында 18, Қашқадәрья ўәлаятында 6 және Наўайы ўәлаятында 2 наўқас аймақлардағы жуқпалы кеселликлерге қәнигелескен емлеўханаларда емленбекте. Наўқасларға медицина хызметкерлери тәрепинен халықаралық стандартлар тийкарында емлеў жумыслары алып барылмақта.
Мәлим болыўынша, наўқаслардан 31 адамда пневмония бақланбақта. 9 наўқастың аўҳалы аўыр, олардан 2 наўқастың аўҳалы болса оғада аўыр деп баҳаланбақта.
Ислам Матеков.
Сайтымыздың телеграмдағы каналына ағза болың: https://t.me/karinformuz
