2020-жыл 7-апрель күнги жағдай бойынша Қарақалпақстан Республикасында коронавирусқа шалынған наўқаслар саны – 11. Бул ҳаққында ҚР Денсаўлықты сақлаў министрлиги хабар берди.
6-апрель күни Нөкис қаласында жасайтуғын бир ер адам ҳәм оның анасында «COVID-19» инфекциясы анықланғаны ҳәм олар менен тығыз қатнаста болған адамлар карантинге алынып, олардан да анализлер алынғаны ҳаққында хабар берилген еди.
Анализлер нәтийжелерине муўапық, тилекке қарсы, және төмендегилерде коронавирус кеселлиги анықланған:
– ер адамның ҳаялы ҳәм олардың еки қызында;
– ер адам менен оның анасына медициналық жәрдем көрсеткен мийирбийке ҳәм оның қызында;
– ер адам менен бирге жумыс ислеўши ер адамда;
– Айрықша жағдайлар министрлигинде хызмет сапары менен Ташкент қаласынан келген 3 ер адамда.
Ҳәзирги ўақытта кеселленгенлер Республикалық жуқпалы кеселликлер емлеўханасында емленбекте. Олардың жағдайы орташа дәрежеде.
Эпидемиологиялық тексериў жумыслары даўам етпекте.
Сайтымыздың телеграмдағы каналына ағза болың: https://t.me/karinformuz
